Konyaa ABO Frankfurt- Caamsaa 03.05.2009

Konyan ABO Frankfurt fi Tokkummaa Bartoota Oromoo Jarmanii Damee Hessen, Oromoota naannoo waliin yaadannoo Ayyaanaa Gootota kabajanne.

Nuti: Miseensonni ABO Konyaa Frankfurt fi Tokkumman Baratoota Oromoo Jarmanii, damen Hessen guyyaa seena qabessa Gotoota Oromoo sirna ho’an Caamsaa 03 , 2009 Magaalaa Frankfurt keessatti kabajanne. Yaadannon kun akka aadaa Oromootti eebba manguddoon banamee, itti aansun Faarruu Alabaa Oromoo fi Dungoo qabsisun Jaallewwan qabsoo kanaf arsaa ta’an yaadachun eegale.
D/Tn Konyaa ABO Frankfurt J/ Ali Mohamed  Qasim guyyaa gootataa laalchisee seenaa qabsoo bilisummaa Oromoo, fi haalaa qabatama yaroo amma qabsoon Oromoo irratti argamtuu irratti ibsaa nuuf kennanii jiru. Itti gaafataman Jarmaa  Konyaa ABO Frankfurt  J/ Moosisaa Asaffaa hirmaatootaa fi kanneen qophii bareedaa akkasii qopheessan galateeffatan.
Nutiis guyyaa seenaa qabessaa kana sababaa gochuun waa hunda mara Jaarmaa keenya jabeeffachuu fi tikffachuu dhaloota keenya ammaa kana jabeesun fakkeenya gaarii ta’u akka qabnu hubachun murtii ejjannoo armaan gadii kana dabarfannee.

• Toofttan mootumaa Wayyaanee diriirfate keessa tokkoo Oromoota naannnon hirun, tokko hanga Tullu kun ammoo boolla keessa, Tokkoo beekaa kan  ammoo wallaalaa, naannon tokko qaroomaa kun ammoo doofaa, naannnon tokkoo  gaarii kun ammoo gadhe, tokko eebisuu kan ammoo abaarun fi wkf jachun Oromoota sadarkaa adda addaa tti hirun walii keenyaa wal ficisiisuu, walamantee wal irraa dhabsiisuu, ofitti ammantaa dhabsiisuu fi gocha kana fakkaatuu maraa jabeessinee duraa dhaabbanna!
• Gochi Motummaa TPLF Lammii Oromoo irran gahee karaa Mootummoota / Dhaabota mirga dhala namaaf falmman hatattaman sakataaà mee  akka murtii seeraaf dhiheessaan iyyannaa keenya dhiheeffanna!

• Olola diigaa  maqaa jijjirama jedhun tokkumaa Oromoo laafisuf ololamu niblalaaleffana!
• Tooftaan sanyii duguuginaa Mootumman TPLF  Orommoo irrattii ta’a jiru haala tokko malee akka dhaabbatu jabeesinee dura dhaabana
• Gootota bilisummaa Ummata keenyaf arsaa ta’an  hanga dhumaatti  ni yaadanna!

• Oromoota utuu hinbeekin affan faajjahan /dogoggoran karaa irraa maqani kana huubachun  karaa sirrii irratti deebi’uun qabsoo biliisummaa Oromoo ABOn hogganamu bira akka dhaabbattan waamicha  goona!

• Gaachana Ummata Oromoo kan ta’e WBOn qabeenya fii waan dandeenyen   cinaa nidhabbana!

Injifannoo Ummata Oromoof!

Gadaan Gadaa Bilisummati !!